គាថា គូរព្រេង

គាថានេះគឺស្រង់ចេញពីរឿងមួយក្នុង គាថា​ធម្មបទ ត្រង់កុកដកមិត្ត ជូបគ្នានិង សេដ្ឋីធីតា។ ខ្លួនខ្ញុំ​ផ្ទាល់កាលនៅកំលោះស្អាត ធ្លាប់សាកភវានា គាថានេះ​តាម លោកគ្រូបាលី ប្រាប់ គឺពិតជាបានឃើញក្នុង សុបិន្ត​និមិត្តពិតមែន តែកាលណោះ សុបិន្តនេះ​មិនសូវច្បាស់ទេ គ្រាន់តែ​ប្រហែលៗ រូបរាង សន្ថាន​ សកម្មភាពក្នុង​សុបិន្ត។ លុះ​ដល់ពេលដែលមានគ្រូរសា​ទើប ដឹងច្បាស់ថា ស្ត្រីម្នាក់នោះ គឺ​យើង​បានធ្លាប់​សុបិន្តឃើញកាលពីពេលនោះមែន។ សាកសិនទៅ បើមិនសាកសិទ្ធក៏មិនថ្វី៚

៚ ចូរធ្វើចិត្តអោយស្អាត រួចបរិកម្មភាវនាមុនពេលចូលគេង ៚ 

 ៙៚ បុព្វេវ សន្និវាសេន បច្ចុប្បន្នហិតេន វា ឯវន្តំ ជាយតេ បេមំ ឧប្បលំវ យថោទកេតិ ៚

ហេតុដែលនាំឱ្យមានសេចក្តីស្រឡាញ់ប្រកបដោយហេតុ២ប្រការ យ៉ាងនេះគឺ

 
១~ ដោយការធ្លាប់រស់នៅជាមួយគ្នាក្នុងអតីកាល(បុព្វកាល) ក្នុងកាលមុន១
២~ ដោយការបានសាងធ្វើនូវប្រយោជន៍ដល់គ្នា ក្នុងបច្ច្បន្នកាលនេះ១ លោកប្រៀបដូចជាឧប្បុលដែលដុះ ហើយរស់នៅបានអាស្រ័យ ទឹក និងភក់ យ៉ាងណាក៏យ៉ាងនោះឯង។

៙៚ដូច្នេះបើបានជាជួបគ្នាហើយ ចេះស្រលាញ់គ្នាទៅ កុំឈ្លោះទាស់ទែងគ្នាអី សុទ្ធតែញាតិយើងទេ រឿងអាក្រក់បោះចោលទៅ យកតែរឿងល្អៗមកទុកបានហើយ យ៉ាងនេះយើងនឹងបានសុខខ្លះហើយ កុំឲ្យកើតទុក្ខពេក៕

៙ខេមរៈ សុខសិរី៙