សីល៥ មានអ្វីខ្លះ?
សីល ៥ គឺការកាន់ចរិយាមារយាទល្អ ដោយកាយ និង ដោយវាចា ការមិនប្រព្រឹត្តកន្លង វិនយប្បញ្ញត្តិ ក្នុងព្រះពុទ្ធសាសនា។ សីល ៥មាន៖
១. បាណាតិបាតា វេរមណី សិក្ខាបទំ សម្មាទិយាមិ៖ ករិយាមិនបៀតបៀន ឬយាយីជីវិតសត្វ។
២. អទិន្នាទានា វេរមណី សិក្ខាបទំ សម្មាទិយាមិ៖ កិរិយាមិនកាន់យករបស់ទ្រព្យអ្នកដទៃ។
៣. កាមេសុ មិច្ឆាចារា វេរមណី សិក្ខាបទំ សម្មាទិយាមិ៖ កិរិយាមិនប្រព្រិត្តខុសនូវសីលធម៌ ក្នុងផ្លូវភេទ។
៤. មុសាវាទា វេរមណី សិក្ខាបទំ សម្មាទិយាមិ៖ កិរិយាមិនពោលពាក្យកហុក បោកបញ្ឆោតអ្នកដទៃ។
៥. សុរាមេរយមជ្ជប្បមាទដ្ឋានា វេវមណី សិក្ខាបទំ សម្មាទិយាមិ៖ កិរិយាមិនសេពនូវទឹកស្រវឹង ឬគ្រឿងដែលធ្វើឲ្យប្រាជ្ញាថយចុះ ពោលការជក់គ្រឿងញៀន។
សីលទាំង ៥ មានមុខងារខុសៗគ្នា ពិតមែន តែក៏ជាប់ទាក់ទងគ្នាដែរ ក្នុងការរស់នៅ ដើម្បីអោយបានសេចក្តីសុខដល់ខ្លួនយើងផង និងសេចក្តីសុខដល់អ្នកដទៃផង ហេតុនេះយើងបានជាមានពាក្យហៅសីល ៥ថា ជានិច្ចសីល គឺសីលដែលគេកាន់ជានិច្ចការ គឺរាល់ថ្ងៃ។
